中超球隊江蘇蘇寧噚日開誓師大會，拉美利斯（右三）同阿歷士泰斯拿（左四）等外援都有撐場，球會仲宣佈今季搵到球衣心口嘅新贊助。國內手機品牌努比亞使咗1.5億人民幣（約1.8億港元）成為蘇寧來季中超嘅球衣心口贊助商。1.5億人民幣有幾多？雖然比唔上曼聯，但已經拍得住AIA贊助熱刺嘅1,600萬鎊。另外，以前踢過國際米蘭同紐卡素嘅馬田斯將會轉投中超嘅上海申花，踢緊美職聯西雅圖海灣者、現年31歲嘅馬田斯噚日喺社交網站同美國球迷道別，話自己要去中國尋求新挑戰。