旅發局「被頒獎」？事緣旅發局去年收到通知，阿拉伯聯合酋長國聯合政府提名咗佢哋嘅App「My Hong Kong Guide」，參加Best m-Government Service Award，之後仲話已經攞咗個大獎。總幹事劉鎮漢話「又唔使報名，又有獎攞，幾好吖」。
「去到真係嚇咗一跳！」佢話排場極大，機場仲有豪華房車車隊迎接，「拍戲咁一字排開」。頒獎禮雖然係自助餐，「但係一個5,000幾人嘅自助餐」。咪要成千上萬隻生蠔？皆因頒獎禮World Government Summit係阿聯酋舉辦，產油國嘅土豪氣派唔弱得過強國㗎。
「最開心係認識咗阿拉伯聯合酋長國副總統兼總理、杜拜酋長阿勒馬克圖姆。」劉話酋長結咗婚但「有好多仔女」喎！