「Son姐最近我見成咗一份工，各方面條件包括人工職級福利都比我現時呢份好好多，我都好滿意。問題係新公司話好等人用，要我即刻返工，所以主動話幫我賠錢，一個月通知都唔使畀就即刻走。但係我唔想走得咁急完全冇交帶，覺得對同事同老闆都好唔負責任。我有嘗試爭取但係HR企硬，話我咁樣冇誠意。我真心鍾意份新工，係唔係只能夠遷就新公司遞信即時賠錢走？你可唔可以教我可以點做好？」
依你所言，新公司清楚知道你需要給一個月通知期才可以離職的對嗎？即使可以用通知金替代，話走就走留下手尾一堆，是完全非常不負責任的行為。
莫講看來你和公司老闆同事的關係都不錯，但即使真的有拗撬或不快，亦不能夠衰衝動「臨尾香」做壞自己個朵。要建立聲譽信譽需要經年累月，但卻輕易地被漽於一旦，愚不可及。
對方等人用我相信是事實，否則不會輕易主動提出幫你賠錢。做HR的當然只會顧自己公司的利益，尤其知道開的條件樣樣你都好滿意知道你在乎，所以大條道理兇你要你就範。寧得罪君子莫得罪小人，你絕對不需要和HR反面硬碰硬，應該直接找上司或老闆解釋講清楚。你自己計算一下究竟需要幾多時間做handover，一人行一步，做好交接之後可以早走幾多。世界很細小、山水有相逢，己所不欲勿施於人，你這個要求情理兼顧，新公司根本沒有拒絕你的理由及權利，反而應該更加欣賞你為人。
話雖如此，無論如何你要賠錢早走，順得哥情就只能失嫂意，即使你認為很盡責，老闆上司依舊可以很不快。記住你只要盡了力做好本份，能夠忠於自己做到問心無愧，就經已很好。
張慧敏
http://www.facebook.com/HKcareerdoctor