【顧客心聲】
有人話，當的士佬都同你講多謝嗰陣，香港經濟就大獲了！計我話，當莎莎（178）sales姐姐都招呼你嗰陣，香港零售就真係死寂了！
作為一個莎莎長年忠實顧客，過去十年行入一間旺區莎莎，都會享受到高度自由的購物環境，因為sales姐姐眼中，從來只有操流利普通話的大媽，對於買一百幾十蚊一件開價貨品的香港人，除了畀錢嗰一刻，其餘時間都係透明㗎！
話說農曆新年期間，去莎莎買咗兩支韓國品牌底妝霜，竟然有七五折！畀錢嗰陣仲送多一樽睡眠面膜，加一堆現金優惠券，埋單只係二百幾蚊，最恐怖係有個sales姐姐笑笑口招‧呼‧我！
我開始擔心，莎莎好似係兩三年前開始引入韓國品牌，會唔會係賣唔晒就嚟過期大贈送呢？睇一睇個樽底，竟然係2017年底先過期！成件事真係「too good to be true」！
直到今日莎莎公佈新年條數，我明，我真係明，連莎莎都唔掂，香港零售今鋪真係玩完了！
個個月都去莎莎進貢的女人上