坐擁80億家族資產的莊士集團太子爺莊家彬（Albert）去年與拍拖九年的傅明憲分手，當中主要因為涉及富爸爸莊紹綏棒打鴛鴦，嫌對方結過婚及年紀大。之後，莊家彬與內地女子程新惠（Grace）閃撻，拍拖至今1年多。昨日有報道指莊爸爸再次出手不滿Grace，更列出三宗罪，當中包括嫌對方沒有學歷、要兒子月租6萬元豪宅及買名牌物品外，最嚴重的是有人以「莊家彬女友」名義招搖撞騙，影響莊家家聲，故之前莊家二女莊家蕙在意大利出嫁，Grace亦不獲邀請出席婚禮，莊家彬之後才前往米蘭匯合女友。
Grace未能融入莊家外，與莊家彬的朋友圈如霍啟剛夫婦亦相處不來，皆因有指Grace對外自稱是郭晶晶閨蜜，夾在中間兩為難的莊家彬另一邊又有新緋聞，指他與2012年港姐冠軍張名雅齊齊去ball，張名雅更在Ig貼了二人頭貼頭的親密照片，而莊爸爸更想撮合岑麗香與兒子。
張名雅貼親密照
記者昨日分別聯絡上莊家彬及張名雅，莊家彬以短訊回應撐女友：「報道揑造，得啖笑，Grace同啟剛識咗好耐，絕冇此事，我同張名雅係朋友關係，唔知佢哋點解咁寫，岑麗香我直頭唔識佢。」
而被指成為「莊女郎」的張名雅則表示：「同Albert只係朋友，唔係拍拖。」張名雅直認現在有人追：「我係有追求者，但我唔覺得Albert係追我，我同Albert算係好傾嘅朋友囉。」
採訪：唐琛悠、唐如
