大家知唔知，立法會內有位音樂人？佢通曉中西樂器，經常四出演奏娛賓，佢就係經民聯副主席、立法會工程界議員盧偉國（Dr.Lo）。前日嘅黃昏時間，如果大家路過港鐵香港站中環行人隧道，就會見到Dr.Lo聯同港鐵副總監（車務營運） 劉天成等六位工程師，同台亮相演奏多種樂器，平時較多吹Saxophone嘅Dr.Lo今次改彈琵琶，劉天成則原來識得拉二胡，齊齊露兩手。由於尚係農曆新年，佢哋都特別演奏多首悠揚國樂，祝路過放工嘅市民新春快樂、歡樂年年；唔少市民都駐足欣賞，在場人士話聽出耳油喎。