喺阿根廷，做球證都係一份危險嘅工作，隨時惹嚟殺身之禍。48歲嘅科里斯日前執法一場喺阿根廷城市科爾多瓦舉行嘅青年賽。喺比賽中，佢趕咗個球員出場，但呢個球員竟然轉頭入更衣室拎咗支槍出嚟，對住科里斯嘅頭、頸同心口加埋開咗三槍，將佢殺死（圖），之後逃之夭夭。據報，同場仲有位球員、25歲嘅禾達沙拉迪都被槍傷，但情況冇大礙。阿根廷警方話，兇手被逐離場嗰陣好嬲，所以動咗殺機，𠵱家佢哋通緝緊佢。
