同行如敵國，睇住美聯物業搞咗「估筍盤．贏50萬首期」活動，中原地產一於跟風，但又唔想跟足，惟有針對租客，舉辦「贏租 2．2．2」租金津貼網上遊戲，送40萬元幫租客交租。
遊戲下周一（22日）開始，每兩日抽兩個幸運兒，送2萬元租金，全程11日，分5期進行，終極大獎送20萬元租金，相當於天水圍嘉湖山莊兩房單位兩年租。
玩法是咁的，先去中原facebook註冊遊戲賬戶，跟蹤每日貼士，例如貼士「青衣筍盤」，登入中原官網，再click青衣區，捕捉TOLdi嘅出沒。終極大獎就係捕捉到呢隻TOLdi最多嘅玩家，可獲20萬元租金津貼。不過要贏終極大獎，幾乎要24小時望實部機，為20萬真係可以去到咁盡？