距新東補選仲有唔夠兩星期，主張「第三條路」嘅中間超人黃成智（圖），選情完全被睇淡，連佢都呼籲選民若然唔like自己，可以投「哪吒」方國珊。要突圍，睇怕都要上帝指引條明路佢行。今個星期六中間超人會搞「為香港求平安」祈禱會，話求上帝令佢變成「和平之子」。噚日佢所屬新思維出咗採訪通知，指「和平之子」到時會同傳媒剖析「香港的憂心、難過和不知所措」，然後聯同本地基督徒為受強暴政權及暴力血腥事件纏繞嘅香港祈禱，願新思維能帶領香港走出陰霾。新東補選候選人仲有楊岳橋、周浩鼎、梁天琦、梁思豪同劉志成。