人到中年事業失意，由零開始再學習、再奮鬥？談何容易。「動力上、能力上我唔及後生仔，但意志上我處理得到。」
現職寵物美容及寵物行為教育的60後Charles Yan，是一名自僱人士。本來從事廣告、擁有自己公司的他，在沙士(2003年)期間生意失敗。金錢對他來說曾經是自信、友誼和所有的快樂，但當失意時，雪中送炭的人是零。
沒有家人和朋友的幫忙之下，面對坐食山崩、前路茫茫，逆境中的Charles每夜發着相同的夢，夢見自己跳進泳池水中，不願上回水面。最後，他決定破釜沉舟，努力走出低谷：「有問題就消極面對，因為咁而去輕生，唔係放棄自己，係放棄埋屋企人。我望到自己三隻狗仔，喺我眼前嘅佢哋，會唔會引領自己日後嘅路向？不如報讀寵物美容學院！」
十年前，香港尚未有最低工資制度，讀完寵物美容師課程，考獲牌照，月薪都只有四五千元而已：「我要租樓，要開支，惟有將整體生活開支減少。」他憑着女友和狗狗的愛強撐下去：「托賴，差唔多十年時間，收入已由最初嘅四千幾蚊，去到現在約白領高層嘅人工。」他認為香港政府，在中年人士轉型方面，並未給予足夠的機會，他希望每個階層、每個年紀的人，都能選擇—生不只一個事業。
捱過苦的人才懂珍惜，珍惜生活，當然也珍惜生命。Charles苦笑控訴：「我希望所有寵物美容學院，都能善待供學生上堂用嘅狗仔，佢哋好慘，長時期困喺籠入面，可能幾個月先會攞出嚟做一次美容。佢哋都有生命，都有靈性、有感覺，而且係人類最好嘅朋友。」
延伸閱讀：
【敬業是王道】會考2分捱出頭世界朱古力大師成長記
http://bit.ly/1KWgUoD
講身份認同戥周子瑜唔抵河國榮：我係香港人
http://bit.ly/1lRxi39
【冇有怕】10年馬拉松心悠致青春：被淘汰是學習
http://bit.ly/1lRxuzb