體壇拾趣：
禾琪全裸玩人體彩繪

今年美國著名體育雜誌《體育畫報》（Sports Illustrated）嘅泳裝特刊有新特別版，美國29歲格鬥女王露絲同埋丹麥25歲靚女網球手禾絲妮雅琪（圖）都會全裸上陣，以人體彩繪泳衣示人。其實禾琪舊年都幫《體育畫報》影過泳衣相，但今年尺度更大膽，由用布做白色比堅尼泳衣，變成用人體彩繪組成嘅一件頭紅色泳衣。周一禾琪喺紐約出席宣傳活動時表示：「真係好好玩。我好鍾意人體彩繪，呢次對我嚟講係一次難忘經驗。」禾琪仲將部份相掟上社交網站，請佢嘅男粉絲眼睛食冰淇淋。