森美噚日喺旺角出席活動，佢話農曆年同屋企人去咗北海道滑雪：「估唔到喺當地撞到嘅朋友仲多過喺香港，我撞到任賢齊，佢話梁朝偉、羅霖同陳百祥都喺當地。」森美話發生咗小意外：「因為好大霧，我老婆滑雪嗰陣一直跟住我後面，但滑到底等咗勁耐都唔見佢落嚟，原來太太因大霧而蕩失路，滑咗出雪道以外嘅地方。」