金鐘Light Rose Garden玫瑰燈海呢幾日人頭湧湧，但今日起三晚都會暫停亮燈，睇怕好多人會失望喇。
其實，花海之前公佈過要「遷徙」，2月17日（星期三）至19日（星期五），由中西區海濱長廊中環段，分批搬去隔鄰添馬公園；但主辦單位話，由於近日市民反應好熱烈，尤其晚上參觀人士眾多，為確保大眾安全，決定「遷徙」期間暫停亮燈三晚。其間花海早晚如常開放，參觀者仍可於外圍賞花拍照，而小路將繼續封閉。如果想睇亮燈，就要等到第二階段展覽，2月20日（星期六）至22日（星期一），每晚6點至11點都會再次亮燈㗎，迎接22號元宵節。