娜姐兩場香港個唱萬眾期待，本地觀眾入場前記緊要做定功課！
1.問：娜姐出名例遲，今次香港騷幾點先開場？
答：照台灣、泰國、日本三地開場時間睇，暫時有相同的模式，頭場遲逾兩小時，尾場遲約一小時。
2.問：香港騷仲有冇飛賣？
答：娜姐首次襲港開騷的門票搶得激烈，不過近日網上有人以原價或蝕讓放售中價到貴價的門票。
3.問：娜姐今次巡唱最高紀錄試過遲逾三小時開場，散場會否冇車搭？
答：大會稱今明兩晚機場快線、機場巴士將加班次，預計凌晨一時前完騷。
4.問：整個演唱會大概唱幾耐？
答：唱逾20首歌，足足兩個鐘。
5.問：每站巡唱娜姐都揮當地旗幟，今次港騷會舞香港區旗或中國五星旗？
答：據主辦單位透露，今次已為娜姐準備好香港區旗。
6.問：如果想追星，哪個地方最有機會見到娜姐？
答：娜姐今次入住半島酒店，除到酒店附近碰運氣外，娜姐對宗教及亞洲文化都深感興趣，參觀大佛、廟宇亦不出奇。
7.問：精品值得買嗎？
答：官方精品今午三時開賣，除咗T恤大賣，黑色cap帽亦好搶手。
