英超球星流落中甲，克羅地亞國腳謝拉域離開韋斯咸，以400萬鎊（約4,500萬港元）身價轉投北京人和。30歲嘅謝拉域踢過愛華頓同侯城，佢情人節已經嚟到中國（圖），將會去到三水同球隊會合。另一支北京球隊、中超勁旅國安由加拉塔沙雷羅致土耳其射手布拉卡爾馬斯，轉會費超過600萬鎊。本身大家早就傾好晒條件，但因為轉會費喺農曆新年假後先匯到畀加拉塔沙雷，所以爾馬斯前日先去杜拜同國安大軍會合。另外，上海申花宣佈同澳洲外援卡希爾解約。