早前首富李嘉誠請「文膽」，以逾百萬年薪招聘「中文主任」，相當於月薪逾8萬元，以為出手闊綽，殊不知網頁撰寫員原來更渴市，身價更高。
政府2013年成立嘅金融發展局，雖則雷聲大、雨點少，近年只發表幾份諮詢意見與建議，不過華華老友突然短訊傳來一份金發局筍工，月薪十萬九千蚊，職位是「網頁撰寫員」，合約期半年。
據政府公務員事務局資料，這份筍工入職條件如下，持有學士學位；從事金融服務業或相關傳媒工作最少十年；為網頁內容編輯資料及素材；及識得MS Office及中文輸入法。
工作職責就有兩項，監督與製作金融就業網頁嘅內容，並就網頁製作嘅技術部份與承辦商聯繫同合作。簡單講：即係睇住人設計好網站同做片放上網。
金發局個網站好簡單，十多版就睇晒，要改設計好正常，但人工是否太離地，還是太慷慨呢？