剛剛過了的情人節，男士們難免大灑金錢為愛人製造驚喜，訂間靚餐廳是最基本的吧！假如你還為上星期那頓昂貴的情人節餐感到心痛時，你應慶幸自己不是身處杜拜，在石油遍地的地方，分分鐘一件三文治已經是你整頓晚餐的價錢，看完以下幾樣被杜拜黃金化的料理，相信你立即覺得自己餐飯又算得上是甚麼，起碼還能博紅顏一笑嘛；但若想得到這份慶幸感，你首先要有⋯⋯
1.黑松露意粉吃得多，但平日看到是比塵埃還小的黑松露，在杜拜的黑松露多士卻是一片一片的上桌，但不知以我的人工，一天能不能吃上一片？美金84元（港幣654元）。
2.世人對黑松露的沉迷又怎會卻步在意粉跟多士，這個價值約150萬港紙的松露Pizza，除了有白松露、仲有黑松露、魚子醬、鴨肝⋯⋯諗起都覺得抵，普通打工仔不喝不吃半世人，真係可以叫到一個Pizza，仲有幾十蚊淨，真係好抵食。美金204,200元（約港幣1,580,000元）。
3.食完鹹點，叫番個甜品都好正常；普通cupcake咁無驚喜，識叫一定係叫呢個要預早48小時預定嘅黃金cupcake，入面有23克黃金薄片、黃金包嘢食同嘢食包黃金，咁suprice！都唔使八千蚊，今次抵畀了。美金1,007元（約港幣7,800元）。
4.睇咗咁多樣，都係呢個黃金雪糕最抵食，六千幾蚊一球可以食到23克黃金薄片同埋又係佢黑松露，加入落球雲呢嗱雪糕度，重點仲有名牌Versace嘅碗同匙可以攞返走，今次真係又食又拎！美金817元（約港幣6,300元）。
5.好喇好喇，等咗咁耐，最後當然要飲番杯先叫完美，在杯雞尾酒只限喺全球最貴酒店之一飲到，而且仲係一杯有55年歷史的威士忌加自家製熱情果冰，配上黃金酒杯，埋單多謝美金七千蚊。美金7,438元（約港幣57,000元）。
記者：李泳烔
圖片來源：The Richest, Jean Wells Art, The National, World News Daily Report
資料來源： https://foodbeast.com
