37歲嘅菲律賓拳王帕奎奧（圖）日前接受電視訪問嗰陣，大鬧同性戀者連禽獸都不如，佢話講：「呢樣嘢係常識，你有冇見過兩隻同性動物搞埋一齊呀？動物都好過同性戀者，起碼佢哋識得分雄性定雌性。如果男人同男人搞，女人又同女人，佢哋真係禽獸都不如囉。」雖則菲律賓係天主教國家並且反對同性婚姻，但帕奎奧咁樣鬧同性戀者，即時俾人圍插；而佢亦知衰，嗱嗱聲喺周二公開道歉，不過仍然企硬自己係反對同性婚姻。