特別版的Air Jordan球鞋一向是網上拍賣的熱品，價錢往往可以去到嚇死人的地步，好像最近就有一套30對，由1至30代的暗黑AJ在網上拍賣，起標價已經要10萬美金（約港幣$77.5萬），經過37口叫價後，最終以240,100美金成交（約港幣$187萬），平均一對就要6萬幾港幣，認真誇張！究竟呢套AJ有幾巴閉呢？首先呢套球鞋全世界只此一套，係特別為記念Kobe Bryant光輝的NBA職業生涯而製作，只有一套黑色作拍賣，另一套白色則已送贈給Kobe自己擁有。因為係用來送給和紀念Kobe，除了全部球鞋都用上Kobe本人的US14號尺碼外，亦特別把Kobe在2002-03賽季曾經穿的AJ III和AJVIII加上湖人專屬的紫和金黃配色，講真真係30對都咁有型！雖然呢30對AJ貴到嚇死人，但入手的鞋迷亦做了好事，因為這次拍賣所得的全數款項都會捐給Kobe創立的Kobe & Vanessa Bryant Family Foundation（KVBFF）幫助有需要的年輕人和家庭，絕對比你俾幾千蚊炒家或水貨鋪買鞋更有意義。
記者：韓繼聰