陳慧琳（Kelly）、劉小華昨日於銅鑼灣時代廣場出席醒獅活動賀新歲，問到新年會否想追個女？Kelly即耍手擰頭說：「唔嘞，唔好搞咁嘅嘢，好辛苦。」剛過去的農曆年，Kelly一家四處拜年，一對囝囝利是大豐收：「今年喺香港拜年，不停食，一定肥咗，肥喺啲暗位，都要keep返啲。」問Kelly情人節有否收到驚喜？她笑說：「驚喜係大仔送咗張卡畀我，寫咗啲字，一家人食飯，老公送化妝品。」Kelly笑指：「大仔問我：『你知道係化妝品，唔係情人節禮物。』」
Kelly表示下月將開戲，9月會展開世界巡迴演唱會，新戲將會出埠拍攝一至兩個月，她說：「兩個仔老公搞掂，演唱會都度過咗，冇嘢難到佢。」她還爆老公是很叻的湊仔公，最愛講道理，Kelly說：「佢一講道理我就行開，我已經可以背番出嚟。」
採訪：羅慧敏
攝影：陳俊強