繼港澳研究會副會長劉兆佳早前提出香港要為基本法23條立法，另一副會長、基本法委員會委員饒戈平又在北京放話，同樣藉旺角騷亂要求特區政府為23條立法。有政界中人指，北京對港強硬派擺明馬車利用旺角事件為23條立法造勢，但客觀效果只會令香港社會矛盾進一步激化，更指有些外商及外國領事已關注北京這些舉動，「佢哋最怕北京會再進一步收緊對港政策」。
再次為23條造勢
該政界人士指，饒的說法基本上與特首梁振英完全一致，就是將事件定性「暴亂」、完全是本土分離分子搞出來的有計劃、有預謀事件，「咁樣定性就可以將成件事同梁振英管治問題劃清界線，所有問題都係同政府冇關」，繼而再次為23條立法施壓造勢，但這樣做不但無助化解社會矛盾，反而為香港製造更多衝突，「好明顯佢哋想將社會衝突推得更高，而唔係諗方法為矛盾降溫，點解要咁做？梗係因為對佢哋班強硬派有利」。
事實上不少外商及外國領事也關注今次事件，雖然建制派指旺角騷亂影響投資者信心，但另一泛民中人直言，那些外商及外國領事反而關心北京及特區政府會否進一步收緊對港政策，亦對特區政府沒有做任何化解社會矛盾行動，感到大惑不解，「對班外商同外國政府嚟講，香港長遠穩定先係對佢哋最有利，但特區政府似乎同維持香港長遠穩想法背道而馳，佢哋有乜理由會唔擔心」。
季陶
周一、三、五刊出