尼維利兄弟帶咗華倫西亞兩個月先贏到一場聯賽，傑斯做曼聯助教三年，但球隊成績一落千丈，曼聯92一代做教練似乎唔多掂，唔知畢特（圖）又點呢？曼聯宣佈委任呢位嚟過香港踢南華嘅名宿做青訓主管。前青訓主管麥佳亞舊年走咗，U18教頭麥堅尼斯亦喺上星期走埋，兩大老臣子先後離開，曼聯就升預備組教練畢特去睇晒成個青訓系統。曼聯執行副主席活華特大讚畢特有熱情又有經驗，而畢特就好開心，可以由當年嘅青訓學員變成青訓主管，將紅魔精神傳承落去。