禮拜三谷草賽事用B跑道，睇番最近1月13日同一移欄賽事，雖然有「滿堂紅」一放到底贏馬，不過整體上卻以居中後上馬較佳，好似「辣得醒」、「光芒再現」及「勇駒」等都係守於內叠之中後位置留力，入直路憑後勁反先對手勝出，故此擅鬥後勁嘅馬不妨優先留意。今戰列陣馬中，三場「恆駿寶駒」上仗正是於1月13日谷B欄打開在港勝門，贏完等番同一移欄再跑，睇部署有心添食。另外，二場「自成一格」曾三勝谷B欄，今仗初落五班即強配莫雷拉，結合場地性能有力重開勝門。