要數合作次數之多、愛錫無限模特兒拍檔馬詩慧，碰面甚歡，突爾出現賀歲祠堂盆菜宴，兼穿上舊時舞台衣裝，自己心神未定，大大嚿禮物即現眼前。
所有預期發生嘅事，再紋風不動都不算百分百驚喜。
Surprise！唔係咁用㗎……
明明生日，老公放工歸家入屋，平日總有些許燈光，老婆可能廚房整番兩味慶祝，今日烏燈黑火，心下怎沒懷疑？
突然燈光火着，至愛親朋唱着Happy Birthday to You……捧出蛋糕，高喊：年年有今日、歲歲有今朝，再懵懂也識即時反應。
當時茫然，完全沒反應！
600、800、900、1000、最終千幾百人派對，技術人員提早出現處理燈火通明，預咗。
老友名模馬詩慧出現，也不出奇，奇怪是Janet Ma穿上幾乎10年前作品，現身燈光即暗，當時正被加拿大Food Channel訪問，未及研究底細，九龍皇帝塗鴉投影射到 700年祠堂，Crossover效果精彩絕倫，古老磐石換新顏，未及細觀，馬兄弟搖曳生姿，貓步穿過大廣場朝祠堂去遠。接着少壯靚模A-Jing穿上澳門Galaxy第二期開張大型推廣應用、我們設計香檳金色裙子走過去，依然如墮五里霧，乜嘢事？
90年代初，一伙優質新加坡模特兒空降香港，成為強勢生力軍，領軍人物Ivy留港成港師奶，兼任職著名CalCarries模特兒公司經理，換上性感半露酥胸3-D水晶裙子，多年未行貓步依然華麗搖曳。APAX設計製作投影不斷更新，祠堂變作萬花筒，雖非煙花，比煙花更千變萬化。被稱小關芝琳來自夏威夷混血大美人Jocelyn深紫水晶頭飾連上衣並大型密摺紗裙，以美艷親王架勢入場，至此，明白了，是一場驚喜，至愛好友們送給我的禮物，未止，至愛名模女孩、新婚Rosemary一身喜慶紅色半透明雪紡華服新版新娘禮服，笑意盈盈大踏步向前，拖尾如半空紅雲帶出一代心裏美靚姑余慕蓮，在下香港回歸時發掘的名模，再穿舊時表演台上靚衫以壓軸姿勢登場。
千多二千名旁觀者並與會新知舊雨拍掌聲叫好聲不絕於耳。以為自己醒，大大嚿懷舊作品回顧禮物呈獻，如非熟我至深者，絕不可能炮製如此精彩！
時光荏苒，環顧四週無甚留戀，他們感受到意興闌珊的無奈，特意獻上無價禮物，招手呼籲留下吧、留下！無論如何，這份大禮收硬，感恩不盡！