中環在線：
李國寶派「紅底」利是 - 李華華

噚日東亞銀行（023）公佈業績、美聯集團（1200）舉行春茗，就算業績麻麻、樓市前景一般，主人家一到場都係高興派利是先，有乜之後慢慢講。

東亞一向係最早公佈業績嘅銀行股，通常喺2、3月左右，若然日子貼近農曆新年，主席李國寶就會大派利是畀在場傳媒，噚日係農曆年初八，寶哥哥一早就準備好，佢同美聯太子女黃靜怡派嘅利是，都係每封100蚊！