現年36歲的崔建邦，去年還傳出跟𡃁模女友陳嘉莉（Kelly）婚訊，但有指去年12月24日平安夜當晚，崔建邦背着女友偷會林珊珊細女、花名「野人」的李怡，Kelly之後速撇崔建邦。其實崔建邦過往跟唐詩詠拍拖時，也有不少出軌紀錄。崔建邦的兩位舊愛唐詩詠和Kelly昨日情人節兼初七人日，獲邀同場在灣仔會展行婚紗騷，兩女前後出場，交流不多，只有大合照。唐詩詠大方讚Kelly靚女，並祝她早日覓得有情人。
唐詩詠感覺似出嫁
唐詩詠和Kelly昨情人節化身靚靚新娘行騷，分別為四個品牌示範婚紗，唐詩詠全部打頭陣，她還谷胸出場，即使跟Kelly在台上大合照時，未知是否大會刻意安排避免尷尬，兩女都隔幾個身位。完騷後，大會也安排唐詩詠和Kelly獨立訪問。
問到唐詩詠可有叫男友洪永城來睇騷，她反問記者：「你有冇見到眼細細嘅人，今日情人節沒有慶祝，我今晚同哥哥食飯，佢啱啱由外地返嚟，情人節未必一定今日慶祝。我覺得拍拖紀念日重要啲，係兩人正式相遇，好值得紀念，如第二時結婚揀埋呢日都幾好。」
唐詩詠笑言昨日披上婚紗，加上新年開工派利是，令她甚有已出嫁感覺。唐詩詠大方承認後台有見到Kelly：「我哋眼神遠遠咁打招呼，大家都好忙。」唐詩詠不介意同場做騷，講到對Kelly感覺，唐詩詠說：「佢今日好靚，相信佢好快搵到情人，祝佢新年快樂。」有指崔建邦有新女，唐詩詠回應：「冇了解。」
Kelly孤單過情人節
Kelly訪問時爆後台有跟唐詩詠打招呼，她都同樣不介意昨日同場做騷。今年要孤單度情人節，Kelly說：「今日都係人日，當生日。」
談到舊愛崔建邦有新歡，Kelly說：「唔知真定假，我唔會問，等佢公開。」Kelly表示希望拍拖時，戀情可以光明正大。
採訪、攝影：王連連