萬綺雯（蚊蚊）、林建明（大姐明）昨日在科學園出席「心晴行動慈善跑」活動，蚊蚊老公陳十三未有陪同出席，她說：「噚（前）晚好夜收工，老公一直等我門，所以想畀佢瞓晏啲。」雖然工作關係沒法和老公共度情人節，但蚊蚊依然甜在心頭：「佢話冇時間買（禮物），所以等我收工當係。我覺得OK，因為送禮物唔一定要情人節，平時見到乜想要佢都會買畀我。」
此外，大姐明表示由於慈善跑定於情人節舉行，不少情侶拍拖參加，希望活動籌得50萬港元。談到亞視拖糧及清盤的新聞，她直言已經聽到煩厭：「我已經當佢玩完！太煩喇！拖拖拉拉好似吊命咁，一係就快啲完，講來講去都死唔去。」
採訪、攝影：譚倩宜