噚日喺蒲崗村道公園舉行嘅Nike超級盃，係為香港一班U15嘅年輕球員而設，壓軸決賽由南華對香港飛馬；雙方全場40分鐘踢成1:1，之後互射12碼，南華以2:1贏得冠軍殊榮。讀緊德瑞國際學校第10班、14歲嘅南華門將陳禹熙（箭嘴示），喺比賽入面撲出咗飛馬多次射門，賽後獲選為最有價值球員。佢嘅猴年願望有三個，一係快高長大，最想由𠵱家嘅1米70高到去1米90，二係幫南華贏U15聯賽，三係幫德瑞拎到學界D2冠軍。