華域克上周五喺荷乙主場輸畀安曼0:1，表面睇好似冇乜嘢，查實鬼咁活色生香。皆因華域克喺情人節前夕搞搞新意思，搵班內衣模特兒嚟做球僮，同兩軍球員拖住手仔入場（圖）。有索女睇，現場球迷梗係歡迎啦，但華域克班球員唔知係咪掛住睇女而分咗心，最後以0:1輸波，唔知華域克第日仲敢唔敢搵內衣「毛豆」嚟客串做球僮呢？