【本報訊】屏山九記、荃灣聯發燒味都是地區老店，以爆花脆皮柴火豬最馳名。每逢新年已退休的九記第二代老闆「送叔」鄧送福都會出山，以秘製醬汁醃豬送到全港唯一地爐豬場「榮興儀記」以柴火燒製，吸引識途食客搶購。不過，這傳統今後或成絕響，憑米芝蓮名菜「有米豬」打響名堂的連鎖酒樓「季季紅」已落實入主工場，謝絕榮興儀記為其他商號燒豬，今後客人要食柴火豬只能幫襯旗下食肆。
記者：呂麗嬋
據知，上市公司新煮意控股（8179）月前主動接洽榮興儀記燒豬工場的業主，開出逾倍租金的優厚條件，要求接手。未幾業主與原租客榮興儀記洽談續約，要求月租由2萬多加倍至5萬，並需一次過簽約十年，間接迫使榮興儀記接受「歸降」季季紅。知情人士指：「頭5年5萬，第6年開始10萬，唔好話十年後乜世界大家都唔知，涉及嘅金額係900幾萬，做小生意要按樓搵銀行做擔保，唔係邊有可能畀到？」
集團：冇話獨唔獨市
旗下多個食肆品牌包括「季季紅風味酒家」的新煮意主席黃君武稱，燒爐暫時只為旗下食肆服務，3個石爐每日約燒製100隻金豬，現已應市，稍後將有連串宣傳攻勢，集團並已上載「全港唯一」石爐金豬的短片到YouTube。對於壟斷之說，黃君武在接受電話訪問時這樣回應：「都係各有各發揮，冇話獨市唔獨市」。
由於地爐豬工場運作複雜，據知黃君武在接手後悉數請回榮興儀記舊員工，包括前老闆李權新。對於由業主「降呢」成為打工仔，新哥不欲多言，只謂：「在商言商，佢哋請番晒我哋啲老伙記，加咗啲人工，大家叫做有得繼續做，唔使失業囉。」
「以前係我哋買咗隻新鮮豬，醃好晒送過去工場燒，如果改用太空爐燒，味道梗係冇咁好」。與榮興儀記合作多年的九記燒臘老闆送叔直言，在商言商明白季季紅投資裝修，為旗下食肆優先加工可以理解，現正爭取改用集團提供生豬，自行醃製再送去燒，希望手藝不致失傳，「其實我都年紀大，不過啲村民鍾意食，逢過時過節先整，有得做梗想繼續做，人哋大集團，我哋燒嗰幾隻豬，冇得比，希望承傳落去咁解」。
港府1986年後停發牌
柴火地爐豬是60年代產物，港府1986年後不再發牌，現時位於屯門藍地桃園圍一號的榮興儀記，是本港碩果僅存地爐豬工場，本身也是家庭式經營式經營，不少地區有名的燒味老店，以致香港仔漁民，都由榮興儀記代燒豬，貪傳統風味。位於荃灣的聯發燒味，是其中一間受影響的小店，其負責人陳先生表示，小店開業30年，一直沿用傳統柴火燒法，燒肉皮爆花更脆口。
「由全港有十幾間工場做，到今日只剩榮興儀記，𠵱家轉埋手，人哋大集團話要轉生意形式，只肯燒好之後賣成隻現成豬畀你，代燒唔會做。講真就算唔計價錢平貴，我哋不嬲自己買豬自己醃，風味手法唔同，豬嘅來源又唔同，佢咁講即係想自己做獨市囉！」陳先生謂在商言商，雖無奈也得接受，今後惟有改用自家的太空爐代替，不過他有信心憑多年經驗，維持質素。
