碧咸(David Beckham)同太太Victoria一向都好愛錫仔女，幾忙都會抽時間同小朋友共享天倫，Victoria雖然快要在本周日於紐約時裝周舉行fashion show，但兩公婆上星期就抽出時間同孻女哈七去派對。
當日哈七紮住孖辮，還穿上一身粉紅色小鹿公仔圖案的冷衫與連身裙，十足迷你pink lady，甜美可愛。哈七的靚衫多是大牌來頭，今次的公仔冷衫同裙仔就是英國童裝名牌Rachel Riley的出品。哈七曾多次穿上Rachel Riley的童裝外，英國另一時尚BB指標佐治小王子(Prince George)都是品牌的超級VIP！
而去完派對後，哈七玩到辮都甩埋，變咗魔髮奇緣的長髮公主，又有另一種可愛。