姚子羚被愛犬咬傷面要停工休息，圈中不乏愛犬之人，他們分別教路如何跟愛犬相處慎防被咬意外，收養多隻浪流狗的河國榮謂與狗嬉戲時必要熟悉牠們脾性。
河國榮
狗仔有佢哋身體語言，一旦同佢哋太近，佢哋會擔心被攻擊，主人要同狗隻建立信任關係。一般狗仔傷人必定有原因，佢哋唔會無端端黐線。有時狗仔可能只係玩，佢啲牙太利會整花人嘅皮膚，未必有惡意。
譚小環
要熟悉自己狗仔性格，發現佢哋有異樣時，主人要醒目避開，等小狗冷靜番落嚟。
鄺美雲
狗通常唔會咬主人，我經常同狗傾偈，當佢人咁教。狗對食物好緊張，試過Cash細個食嘢時，我行埋去幫佢執拾，佢「嗚」我，我就塞拳頭入去叫佢唔孝順就咬我，Cash會知道唔啱。
江若琳
我家有3隻狗，同佢哋玩要好留意佢哋心情，狗仔好情緒化，萬一發脾氣就唔好行咁近，要多啲留意住。
