【親子籽：初犢心聲】
肯肯定大部份小朋友最鍾意過年，皆因收利是都收到手軟。相信好多人小時候的利是錢都被勒令上繳中央，話留番大個用來讀書交學費乜乜乜，最後呢？不要再提了。今日是大年初六，小朋友已經大豐收，面對這筆額外的「橫財」，這一代的小朋友會如何處理？這次街訪了幾位由8至14歲的小朋友，看看他們會大破慳囊買心儀物品，還是乖乖儲起？家長又應該如何教子女處理這筆錢？
1.每年大約有幾多利是錢？
2.利是錢會如何處理？
3.最想用利是錢做甚麼？又試過用來買甚麼？
4.家人有教導你怎樣使用利是錢嗎？你樂意這樣做嗎？
留少少買零食
1 $1,000至$1,500。
2 大部份交給媽媽，其餘自己用。
3 用來買零食放喺房，做嘢時食。
4 媽咪教儲起佢，都OK嘅，因為我本身都唔使用咁多錢，主要用來買嘢食啫。
幫未來仔女交學費
1 $4,000至$5,000。
2 全數儲入自己的銀行戶口。
3 未試過用利是錢。
4 媽咪話留番用來幫我未來啲仔女交學費雜費。
18歲後先用
1 $1,000至$2,000。
2 全數交給媽媽。
3 有少少想用來買文具放筆袋，用幾多錢買？視乎啲嘢幾貴囉，但從未試過用利是錢。
4 媽咪話要18歲後先用得。
買TsumTsum公仔
1 $2,000。
2 部份儲起，部份用來shopping。
3 會用$100至$500買嘢，試過買𠵱家好流行嘅TsumTsum公仔，因為好貴，平時要儲好耐錢先買到一至兩隻。
4 有教唔好亂用，所以每年只會用小部份，其他儲起，留番大個有時使大咗拎番出來用。
部份捐給學校
1 $2,000至$3,000。
2 用小部份響應學校的捐利是活動，留$500自己用，其餘交給媽媽儲。
3 買想要嘅嘢，試過買太陽眼鏡。
4 冇，屋企人同我講呢啲係我嘅錢，不過我都唔會亂用。
想買就去買
1 $300。
2 一半給媽媽儲，一半買早餐用。
3 試過買明星海報。
4 冇規定點用，只係話「如果你想買就去買啦」。
專家教路：「畀晒小朋友使係陷阱！」
現今小朋友的利是錢普遍有二千元以上，在他們眼中絕對是大銀碼。利是錢一年得一次，家長應否「格外開恩」，任由子女使用呢？親子兒童理財顧問李錦（圖）認為：「畀晒小朋友使係玩佢！甚至係陷阱。」因為很多小朋友面對突如其來的「巨款」，會不知所措，最後用來胡亂購物，影響金錢觀，「正如大人中咗頭獎有五百萬，一時間都會唔知點使好，家長咁做只會自己攞嚟煩。」
李錦建議，家長可將小部份利是錢分配給小朋友使用，最緊要大家溝通好，並要注意以下幾點：
1 視乎孩子要求及年紀而決定分配多少，如果孩子夠成熟去處理金錢，不妨多給一點。
2 先和孩子溝通及達成協議，例如九成存入銀行，餘下一成則由孩子自由使用。
3 商議好金錢可在哪些範圍內動用，盡量接受孩子意見，避免產生不必要的爭拗，「如果講完又ban，咁就冇意思，不如唔好畀。」
另外，很多家長會用子女的利是錢去投資，李錦建議家長行動前要和孩子講清講楚，並注意以下幾點：
1 向孩子講明會投資哪一類產品，如股票、基金等。
2 如果是夾錢買，也要講清楚，「例如話買一手股票要一萬蚊，你唔夠錢，爸媽出八千蚊，你出二千蚊。」
3如果購買的投資產品有股息派，也要告訴孩子，令他們知道投資有賺有蝕。
記者：黃子配
攝影：徐振國
編輯：李寶筠
美術：楊永昌