日前有報道指美斯以天價3,210萬歐元（約2.8億港元）買咗架古董法拉利跑車，最頂癮係據講佢嘅球場死對頭基斯坦奴朗拿度（C朗）都睇中呢架車，最後都係俾美斯買到心頭好。不過，對於呢段報道，美斯喺周五就用個幽默方式作出回應，放咗張相喺自己Instagram，相中嘅佢揸住架「Cars（反斗車王）」嘅麥坤玩具車仔（圖），話呢架咪係佢架新車囉。