阿當莊臣（AJ、圖）日前受審嗰陣承認同15歲少女發生親暱行為，事隔一日，新特蘭就喺周四發聲明，話已經同佢終止合約；AJ隨時面臨牢獄之災，喺球壇仲有冇得撈都成問題。至於AJ單案喺周五就剩番兩項控罪進行聆訊，檢察官透露案中女仔係新特蘭球迷，幾乎每場主場都會入場，AJ係佢最鍾意嘅偶像；冇幾耐AJ就透過fb同個女仔溝通，再約佢出嚟，曾經喺AJ架車上有越軌行為。