雖然大陸經濟係差咗，再加上北京全力打貪，但講到肯用錢買古董、藝術品嘅土豪巨富，就肯定仲有唔少。
好似蘇黎世亞洲月尾搞咗個郵票錢幣拍賣，重點拍賣品都係中國稀有郵票同錢幣，自然又係對準呢班中國富豪。
其中一張非常罕有嘅1873年上海書信館壹分銀於銀八分紅色改值灰藍色小龍新票（下圖），現時估值約70至80萬港元，已知現存只有四枚同類票。
另一枚1897年慈禧壽辰大字改值10分於12分橙棕色「黃金龍」票（上圖），估值達50至60萬港元，現存世嘅新票僅十三枚。
今次拍賣會於本月27至28日喺香港北角海逸酒店舉行，25至26日舉行預展，歡迎公眾人士參觀。