台灣話有一句順口溜，通常用在質問：「別人的囝仔死不完？」廣東話意釋：「人哋仔女多？死極都仲有？」諷刺人性自私，反正死是別人的孩子，又不是自己的孩子。你死你賤，關我乜事！？
旺角初一之亂，半夜醒來，看電視直播。第一時間搵仔：「你哋喺邊呀？哦！冇喺旺角，good啦！」
噓！輕了一口氣！
睡眼惺忪，繼續看電視直播。警察視示威者如十惡不赦之徒，示威者視警察是殺父仇人。衝呀，殺呀！好睇過戲。反正阿大仔阿細仔都不在現場。
但看着一張張時而殺紅了眼，時而驚惶無措的年輕面孔，警察的和示威者的，睡眼慢慢不再惺忪，而是濕潤：「這些年輕人是別人的孩子嗎？不是呀！他們是我們的孩子呀！是香港的孩子呀！」
後記
下次，你鼓勵及表揚武力抗爭時，最好你及仔女都在前線，最好帶埋你老婆你老母你阿爺。否則我會說：「嘩，你好聰明，因為精人出口，笨人出手。至叻係你。」
你知道一直好聽你話，走到前線武力抗爭的青澀少年，面對的是甚麼嗎？是盾牌，胡椒噴霧，警棍，催淚彈，手槍。被捕上警車，熄燈打鑊甘。到警署，四十小時冇得你瞓，嚴刑逼供。上庭，最高十年刑期。到監獄，與殺人強姦犯同倉。出獄，已是百年身。
當然，你會說：「咪咁天真啦！不武力抗爭，又點可以讓小販自由賣魚蛋？讓梁振英下台？讓香港有真普選？」
不武力抗爭真的不容易，但叫年輕人在旺角，把警察打得頭破血流便可以？叫年輕人在暗角，被警察打得死去活來便可以？讓社會充滿仇恨便可以？讓別人的孩子去死便可以？唔信！
葉一堅
mailto:[email protected]