新民黨主席葉劉淑儀呢期出席新年活動時，頻頻拖住盛傳有意出選新界東、該黨「桂綸鎂」容海恩現身（圖），情況密到連葉劉噚日都話，有啲人以為容海恩係佢個女。至於真女兒Cynthia，葉劉就話正喺佢間母校、美國史丹福大學，讀緊工商管理碩士同教育碩士課程，正常6月就會畢業返港，第一份工就係幫新民黨助選，唔知到時幫唔幫到阿媽同「桂綸鎂」雙雙跑出。葉劉又話，Cynthia 3月都會短暫返港，負責幫學校做團長，帶團考察新加玻、香港同澳門三地，由於個團時間緊迫，返港後隨時過家門而不入，要同其他團友一齊住酒店喎。