26歲多蒙特球星馬高列奧斯（小圖）既係德國國腳級人馬，外表又靚靚仔仔，要搵女友其實唔難；佢自2013年同卡路蓮（Carolin Bohs）分手後，終於「脫獨」啦。德國《圖片報》報道，列奧斯上年12月已經開始約會德國模特兒施嘉列特（Scarlett Gartmann），到今年初終於撻着，列奧斯亦大方承認新戀情。22歲嘅施嘉列特未做模特兒前，仲係業餘馬術運動員，同列奧斯都鍾意運動，咁就更啱傾。
