周三西班牙盃四強次回合賽事，華倫西亞返主場再鬥巴塞隆拿。華倫喺首回合吞七蛋，加上教練加利尼維利失晒民心，可以容納超過五萬人嘅馬斯泰拿球場得萬零人入座。巴塞都算係畀足面加利佬，教練安歷基讓晒車馬炮，美斯、尼馬同阿蘇全部都冇出，結果巴塞由小將卡杜姆喺完場前建功，以1:1逼和華倫，亦刷新咗西班牙球隊嘅所有賽事不敗紀錄，連續29場波未輸過。