猴年伊始，儘管股樓低迷，為激勵地產經紀積極開單做生意，加上新正頭，取好意頭，各代理行都會大破慳囊設開單利是。龍頭代理行之一嘅中原地產就表示，佢哋上個月至到噚日已派出超過900封開單利是，涉及金額超過45萬元。聞說呢堆開單利是入面，有部份係大年初一至初三促成交易，涉及28封利是，每封3,500元，總額9.8萬元，喺現市況算係好肥仔喇。