南區海怡西區議員、新民黨陳家珮Judy今年36歲，生於1980年，屬猴嘅佢自小已好鍾意爬樹，佢憶述：「通常爹哋抱我上樹，我就喺樹上坐同玩，一啲都唔驚。」相片中嘅佢坐喺樹枝上的確好淡定（圖）。由於太好動，佢話媽咪因此要佢學琴同留長頭髮戥勻吓。Judy有個少4歲嘅細妹，所以佢好有大家姐風範，長大後去咗澳洲升學，佢話喺大學同學之間，佢都係做大家姐角色。