「真．香港人」河國榮同繁忙兒童合唱團嘅「劉小華」劉皓嵐最近好紅，聽晚出街嘅港台節目《頭條新聞》，將有兩人客串，佢哋會同「小豪子」曾志豪及「太后」吳志森，齊齊諷刺時弊（圖）。劉小華飾演只接受「普教中」教育、並受「公民袋」操控嘅小皇帝，由老外「河老師」教佢讀書，最終河老師發覺小皇帝壓力太大，點知太后原來已經安排咗佢去「一帶一路」遊學團。小休一排嘅《頭條新聞》，猴年復播就咁「反動」，小心以自己方式消失喎。