【本報訊】自動當選等於全票當選？保險界立法會代表陳健波曾於政改方案被否決後，如此形容自己得票。「呢句好大程度trigger（觸發）到我哋嘅情緒，你唔畀我哋投票都算嘞，仲要去代表我哋嘅聲音？」1990年出生的李晉希遂與業界組成「保險起動」，力爭放寬選民資格，慎防零票當選者再口出狂言。
不少人對保險從業員印象或是向錢看，「覺得開多兩張單、做多兩單生意仲好」，但香港近年的變化，令不少行內人了解「唔係唔理（政治）就真係可以唔理」。
「如咁都係陳健波我接受」
李晉希承認業內人壓力大，「好多人同內地人有生意，覺得搞呢啲（改革政制）就係反（對）緊中央，佢哋會諗，咁我啲生意點呢？」，「我自己冇呢方面生意，所以冇呢個考慮，而對我嚟講，有啲價值，一定重要好多」。
他指自動當選的陳健波，只就界內問題向僅135張公司票選民交代，「好多時佢只係同啲老闆傾好晒，然後定啲規則落嚟我哋要跟，呢個唔係業界好嘅發展」，故此建議將選民基礎增至近10萬從業員票，並將參選門檻由5張公司票降低，李晉希強調：「如果呢個建議成功推動到，出到嚟一人一票都係陳健波當選，我梗係接受個結果。」
■記者許偉賢