細路仔最鍾意農曆新年，有糖食又有利是𢭃，投資者教育中心都應吓節，推出「利是錢收支計算機」，可以記低今年𢭃到幾多利是，計劃儲蓄與支出金額（如買玩具、零食、書籍等），然後計算赤字或盈餘，教小朋友學習醒目消費。其實要學理財，利是錢只係好小部份，家長平日言傳身教，教導小朋友要有儲錢習慣，應使先使，先最重要。不過話時話，華華由細到大𢭃埋嘅利是錢，父母都話幫手儲起先，究竟儲咗去邊呢？