摩連奴（右）親口承認會喺今夏執教曼聯！據英國傳媒報道，摩連奴同身邊嘅親密朋友話：「搞掂晒！」佢將會喺今個夏天接替雲高爾，幫紅魔掌帥。自從摩佬喺上年12月俾車路士炒魷後，就一直盛傳佢會執教曼聯，特別係當曼聯嘅同巿宿敵曼城委任哥迪奧拿為下季新帥後，摩佬教紅魔嘅呼聲就更高，皆因外界普遍認為只有喺西甲同哥迪奧拿交過手嘅摩佬，可以同哥迪奧拿一較高下。不過，摩佬就一直冇漏過任何口風，今次又係身邊好友爆料，我求大俠就要放長雙眼，睇吓事態點發展喇！