年初一旺角爆發衝突造成多名警員及市民受傷，建制派議員前日開聯合記招譴責示威者之後，就拉大隊去醫院探望其中一名受傷警員，之後議員就各自喺fb上載咗探病相（圖）。相中可見有至少10個議員圍住張病床，仲未計揸機嗰位仁兄，幾乎逼爆病房，其中一個疑似盧偉國嘅議員仲俾自由黨張宇人遮住，至於嗰名受傷警員就躺喺床上，好似佈景板咁喺相片後方，鏡頭都冇望。有網民批評建制派抽水做騷，阻病人休息，笑言：「多人探病，橙都冇隻。」亦有人質疑點解可以咁多人同時探病，皆因公院規定每次只准兩人探病。