噚日係年初三赤口，桃李滿門嘅英皇（163）執行董事張炳強（Donald，中）就冇有怕，帶其中兩名比較年輕嘅徒弟出嚟跟傳媒拜年。佢哋賣樓嘅，當然係祝大家猴年「更上一層樓」喇。地產商平日派出嚟賣樓見人嘅代表，通常都有番咁上下資歷，難得Donald肯帶年輕人出嚟見識吓。徒弟仔黃衍庭（Timmy，右）港大畢業就加入英皇，6年做到副經理級。另一名徒弟楊嘉敏（Carmen，左）年資就比較淺，早兩年先喺理大畢業。至於點先做到佢嘅徒弟？Donald就話，首先要入咗英皇度做先有得傾喎，你啱。