新年流流，做運動真係冇乜動力。明嘅，這頭同親戚拜年飲茶，那頭又要同朋友打麻將玩game，要叫齊人馬打波，似乎有難度。如果籃球場好似幾何抽象藝術作品，又會唔會多些動力呢？最起碼我有！球場位於巴黎Pigalle區，原本係一個停車場，設計師Stephane Ashpool自小在這區長大，熱愛這區及籃球嘅佢，成立同名Pigalle服裝品牌，又將停車場改為籃球場。不過球場兩邊都係住宅區，打波噪音唔多唔少會影響附近居民，佢於是邀請設計工作室Ill-Studio重新改造整個球場，把俄羅斯幾何抽象派畫家Kazimir Malevich的風格融入球場，將其變為一個充滿幾何圖案及色彩繽紛的籃球場，最重要嘅係，球場地面及籃板都用上特殊材料，能有效吸震及減少噪音，兼顧視覺及減噪兩個功能。如果可以在這個球場打一場波，相信波友們的動力會爆燈！
資料來源：
http://ill-studio.tumblr.com/
記者：劉東佩