【旺角】年屆85歲的黃夏蕙一向緊貼時事，對大年初一旺角黑夜發生的騷亂事件也不例外，前日她在facebook出post撐警：「其實槍向天打，唔打得死人，可能佢哋冇準備胡椒噴霧。」更爆粗預告會唔化妝夜訪旺角：「有膽你班友仔對準我嚟拋磚。」夏蕙BB前晚約9時45分與契女Amy現身砵蘭街，之後行到西洋菜街一帶，沿途周圍拍片，亦有途人上前向她集郵。
一身紅噹噹打扮的夏蕙BB，行到事發當晚被掘起地磚附近，地上已被藍帶圍住，市面相當平靜，她亦幫襯街檔商販買咕𠱸，而她與Amy亦有幫襯買啫喱小食。
冼國林轟暴徒
冼國林在fb留言撐警，指一小撮暴徒借機搞事、政客指黑為白，埋沒良心好恐怖，又指警方被動捱打，應該如功夫般進攻拉人，就算不用槍也要用催淚彈是非常合理。
另外，網絡紅人MastaMic則作歌詞撐示威者：「新春嘅時間一串魚蛋變成一粒子彈，乜嘢意圖將市民當做紙板，有人示範槍抆得太是但，邊個先真正需要迷途知返；你怪市民變暴徒意圖搗亂，我怪有人刻意將是非倒轉。」他昨在電話說：「有時我哋睇事情，唔係單單睇係咪有人受傷，過去好多示威遊行或雨傘，都有示威者被警察打到頭破血流，點解冇人敢講？」而曾淑雅（Jumbo）昨晚現身旺角並舉V影相貼社交網，她留言：「初三來路過！好熱鬧喔。旺角小夜市！」
採訪、攝影：黃曉程、吳耀輝
